Kinn Gjestehus er eit bustadhus frå 1951 som er omgjort til gjestehus frå
2007, etter at det vart utført omfattande vedlikehald av mellom anna VVS og
elektriske installasjonar. Huset ligg ca 800 meter frå kaia vestover mot Kinnakyrkja.
Kinn Gjestehus har kapasitet på 8 senger fordelt på 3 soverom med litt
ulik størrelse. Alle rom har havutsikt. Du finn meir detaljert
informasjon om romma lenger nede på denne sida, prisar for utleige
finn du her.
Huset kan også nyttast til bevertning for grupper opp til 16 personar. Ta kontakt med Kinn Turistservice
for prisar.
Huset har 3 utleigerom i loftsetasjen. Hovudetasjen inneheld kjøkken, stove,
leserom, bad og gang. Romma i hovudetasjen har god standard med lyse og trivelege fargar.
Loftsetasjen har WC og 3 soverom, som har enkel standard med nye, gode senger.
Sjå bilder frå interiøret her.
Kjøkkenet er godkjent av Mattilsynet og vert nytta i samband med bevertning, inklusive frukost og andre måltid til overnattingsgjester.
Stova vert brukt til bevertning og har kapasitet til (maks) 16 personar. Der er vedomn og på murveggen
ved sida av er der eit stort vegg-maleri av den kjende kunstmalaren
Harald Seim (1882-1975) frå Kinn, som laga maleriet på slutten av 1960-talet.
Stova er halden i 50-tals stil, det same gjeld møblane. Store vindauge
både mot sør og aust.
I tilknyting til stova er der eit opphaldsrom med gode
lenestolar, eit lite bord, litt litteratur og radio av god, gammal årgang. TV
finst ikkje i huset ! Store vindauge mot nord og aust.
Dusjkabinett og WC
Loftsetasjen har 3 soverom, to av desse har 2 senger. Det
største er eit familierom med 4 senger.
I loftsetasjen er der eige WC.
