Kinn er ei av dei vestlegaste øyane med fast busetnad i Norge og ligg omlag 15 km vest for Florø, på kysten av Sogn og Fjordane. Her kan du sjå korleis du kan finne vegen til Kinn.
Kinn er kjend for si gamle middelalder-kyrkje frå 1100-talet og den karakteristiske Kinnaklova lengst vest på øya.
Sommaren 2011 er det guiding i samband med turistrute som har avgang frå Florø kl. 12.30 (ma-fr) i juni, juli og august. Båten går direkte frå Florø til Kinn.
Kinn Gjestehus
kan tilby overnattingar for 1 til maks 8 personar.
Kinn Gjestehus kan også arrangere servering for mindre grupper i samband med blåturar o.l.
Kinnakyrkja er populær som bryllups-kyrkje og her er mange bryllup kvar einaste sommar. Har du planar om bryllup og treng hjelp med pynting av kyrkja ?
Kinn og Kinnakyrkja er tilknytt segna om Sta. Sunniva frå Selja.
Det er no starta opp eit prosjekt kalla "Pilegrimsprosjektet Sta. Sunniva", der ein ønskjer å lage pilegrimsruter mellom Kinn og Selja.
Kinnaspelet er i 2011 lagt til 18. og 19. juni. Første framføring var i 1985 og sidan den gong har det vore spel kvart år, uansett værforhold. Kinnaspelet er eit historisk spel der både Kinnakyrkja og Kinnaklova dannar mektige kulissar i eit utandørs teater med utsyn mot havet og Ytterøyane fyr. Du kan lese meir om spelet og finne mykje praktisk informasjon om mellom anna billettar og transport på Kinnaspelet sine heimesider.
Informasjonen du finn på desse sidene er laga av Kinn Turistservice, som vart starta av Gry J. Seim i 2007.
